തിരുവനന്തപുരം വിമാനത്താവളത്തിലെ വിമാനത്തിൽ നിന്നും പുക കണ്ടെത്തി. തിരുവനന്തപുരം എയർ പോർട്ടിൽ നിന്നും മസ്കറ്റിലേക്ക് പുറപ്പെടാൻ തയ്യാറായി നിന്നിരുന്ന എയര്‍ ഇന്ത്യയുടെ വിമാനത്തില്‍ നിന്നാണ് പുക ഉയർന്നത്. ടേക്ക് ഓഫിന് തൊട്ട് മുൻപായിരുന്നു വിമാനത്തില്‍ നിന്ന് പുക ഉയർന്നത് അധികൃതരുടെ ശ്രദ്ധയില്‍പ്പെട്ടത്. യാത്രക്കാരെ ഉടൻ തന്നെ തിരിച്ചിറക്കി പരിശോധന നടത്തി. ആശങ്കപ്പെടേണ്ടതില്ല എന്നും വിമാനം ഉടന്‍ തന്നെ പുറപ്പെടുമെന്നും എയർ ഇന്ത്യ അധികൃതര്‍ അറിയിച്ചു.