തിരുവനന്തപുരം : പിഎസ്‍സി/സെക്രട്ടറിയറ്റ്/നിയമസഭ/അഡ്വക്കേറ്റ് ജനറൽ ഓഫീസ്/ലോക്കൽ ഫണ്ട് ഓഡിറ്റ് വകുപ്പ്/വിജിലൻസ് ട്രൈബ്യൂണൽ/സ്പെഷ്യൽ ജഡ്ജ് ആൻഡ് എൻക്വയറി കമീഷണർ ഓഫീസ് എന്നിവിടങ്ങളിലെ അസിസ്റ്റന്റ്/ഓഡിറ്റർ തസ്തികയുടെ വിജ്ഞാപനം ഈ വർഷം ഡിസംബറിൽ പ്രസിദ്ധീകരിക്കും. വിശദമായ സിലബസും സ്കീമും വിജ്ഞാപനത്തോടൊപ്പം  പ്രസിദ്ധീകരിക്കും. മുഖ്യപരീക്ഷ, അഭിമുഖം എന്നിവയ്ക്കു ശേഷമായിരിക്കും റാങ്ക് പട്ടിക പ്രസിദ്ധീകരിക്കുക. ബിരുദതല പ്രാഥമിക പൊതു പരീക്ഷയ്ക്കുശേഷം നടത്തുന്ന മുഖ്യപരീക്ഷയിൽ ഒബ്ജക്ടീവ് ടൈപ്പിൽ 100 മാർക്ക് വീതമുള്ള രണ്ട് പേപ്പറുകൾ ഉണ്ടായിരിക്കും.