പട്ന: രാജ്യത്ത് വീണ്ടും കൂട്ട ബലാത്സം​ഗ ശ്രമം. ബീഹാറിലെ സമസ്തിപൂരിൽ ഒരു സ്വകാര്യ ആശുപത്രിയിൽ നഴ്‌സിനെ ഡോക്ടർ ഉൾപ്പെടെയുള്ള സംഘമാണ് ബലാത്സം​ഗം ചെയ്യാൻ ശ്രമിച്ചത്. ഗംഗാപൂരിലെ ആർബിഎസ് ഹെൽത്ത് കെയർ സെൻ്ററിലാണ് സംഭവം നടന്നത്. എന്നാൽ, ഡോക്ടറുടെ സ്വകാര്യ ഭാ​ഗത്ത് ബ്ലെയ്ഡ് ഉപയോ​ഗിച്ച് മുറിവേൽപ്പിച്ച് നഴ്സ് രക്ഷപ്പെട്ടിരുന്നു. സംഭവ ശേഷം, നഴ്സ് തന്നെ പൊലീസിൽ പരാതിയും നൽകി.

ഡോക്ടറായ സഞ്ജയ് കുമാറും കൂട്ടാളികളായ സുനിൽകുമാർ ഗുപ്ത, അവധേഷ് കുമാർ എന്നിവർ ചേർന്നാണ് ബലാത്സം​ഗം ചെയ്യാൻ ശ്രമിച്ചതെന്ന് പൊലീസ് പറഞ്ഞു. ആശുപത്രിയിലെ അഡ്മിനിസ്ട്രേറ്റർ കൂടിയാണ് സഞ്ജയ് കുമാർ. 25 കാരിയായ നഴ്സ് തന്റെ ഡ്യൂട്ടി കഴിഞ്ഞ് ഇറങ്ങുന്നതിനിടയിലാണ് ഡോക്ടർ‌ ഉൾപ്പെടെയുള്ളവർ അതിക്രമം നടത്തിയത്.