ക​ല്ല​ടി​ക്കോ​ട് (പാ​ല​ക്കാ​ട്): പാ​ല​ക്കാ​ട് പ​ന​യ​മ്പാ​ട​ത്ത് അ​മി​ത​വേ​ഗ​ത്തിലെ​ത്തി​യ നി​യ​ന്ത്ര​ണംവി​ട്ട് മ​റി​ഞ്ഞ ലോ​റി​ക്ക​ടി​യി​ൽ​പെ​ട്ട് മരിച്ച നാലു വിദ്യാർഥികളുടെ മൃതദേഹം വീടുകളിൽ നിന്ന് പൊ​തു​ദ​ർ​ശ​ന​ത്തി​നായി എത്തിച്ചു. തു​പ്പ​നാ​ട് ക​രി​മ്പ​ന​ക്ക​ൽ ഓ​ഡി​റ്റോ​റി​യ​ത്തി​ലാണ് പൊ​തു​ദ​ർ​ശ​നം. തു​ട​ർ​ന്ന് 10.30ന് ഖ​ബ​റ​ട​ക്കം തു​പ്പ​നാ​ട് ജു​മാ മ​സ്ജി​ദ് ഖ​ബ​ർ​സ്ഥാ​നി​ൽ ന​ട​ക്കും. പുലർച്ചെയോടെയാണ് ക​രി​മ്പ തു​പ്പ​നാ​ട് ചെ​റു​ള്ളി സ്വ​ദേ​ശി​ക​ളാ​യ ഇ​ർ​ഫാ​ന ഷെ​റി​ൻ (13), റി​ദ ഫാ​ത്തി​മ (13), നി​ദ ഫാ​ത്തി​മ (13), ആ​യി​ഷ (13) എ​ന്നി​വ​രുടെ മൃതദേഹം പോസ്റ്റ്മോർട്ടത്തിന് ശേഷം വീടുകളിൽ എത്തിച്ച​ത്. പൊ​തു​ദ​ർ​ശ​നം ആരംഭിച്ചതു മുതൽ മൃതദേഹങ്ങൾക്കു മുൻപിൽ ഉറ്റവരും നാട്ടുകാരും സങ്കടം അടക്കാനാവാതെ കരയുകയാണ്. പൊതുദർശനത്തിനുശേഷം തുപ്പനാട് ജുമാ മസ്ജിദിലാണു കുട്ടികളുടെ കബറടക്കം. പരീക്ഷയെഴുതി സ്കൂളിൽനിന്നു വീട്ടിലേക്കു നടന്നുപോവുമ്പോൾ ലോറി ദേഹത്തേക്കു മറിഞ്ഞാണു കരിമ്പ ഗവ. ഹയർ സെക്കൻഡറി സ്കൂളിലെ എട്ടാം ക്ലാസ് വിദ്യാർഥിനികളായ ചെറുള്ളി പള്ളിപ്പുറം അബ്ദുൽ സലാമിന്റെയും ഫാരിസയുടെയും മകൾ പി.എ.ഇർഫാന ഷെറിൻ (13), പെട്ടേത്തൊടി അബ്ദുൽ റഫീഖിന്റെയും ജസീനയുടെയും മകൾ റിദ ഫാത്തിമ (13), കവുളേങ്ങിൽ സലീമിന്റെയും നബീസയുടെയും മകൾ നിദ ഫാത്തിമ (13), അത്തിക്കൽ ഷറഫുദ്ദീന്റെയും സജ്നയുടെയും മകൾ എ.എസ്.ആയിഷ (13) എന്നിവർ മരിച്ചത്.