കേന്ദ്ര മന്ത്രി ആഭ്യന്തരമന്ത്രി അമിത് ഷാ ജമ്മു - കശ്മീര്‍ നിയമസഭ തെരഞ്ഞെടുപ്പിലേക്കുള്ള ബിജെപിയുടെ പ്രകടന പത്രിക പുറത്തിറക്കി. തീവ്രവാദത്തിൽ നിന്നും കാശ്മീരിനെ മോചിപ്പിച്ച് വിനോദ സഞ്ചാര കേന്ദ്രമാക്കുമെന്ന് ഉൾപ്പെടെ നിരവധി വാഗ്ദാനങ്ങള്‍ പത്രികയിലുണ്ട്. ജമ്മു - കശ്മീര്‍ മേഖലയിൽ സുരക്ഷയും സാമ്ബത്തിക വളര്‍ച്ചയും നേടുന്നതിനോടൊപ്പം തന്നെ വലിയ വികസനങ്ങളും കൊണ്ടുവരുമെന്ന് പ്രകടനപത്രിയിൽ പറയുന്നു. കേന്ദ്രത്തിലെ ബിജെപി ഗവൺമെൻ്റ്  ജമ്മു കാശ്മീരിൽ നടപ്പിലാക്കിയ വികസനങ്ങളെ കുറിച്ചും അമിത്ഷാ വിശദീകരിച്ചു.

          യുവാക്കള്‍ക്കായി അഞ്ച് ലക്ഷം തൊഴിലവസരങ്ങള്‍,  കാർഷികപരമായ ആവശ്യങ്ങൾക്ക് വൈദ്യുതി നിരക്കിൽ 50% ഇളവ്, വിദ്യാർത്ഥികൾക്ക് 'പ്രഗതി ശിക്ഷാ യോജന' യിലൂടെ യാത്ര ആനുകൂല്യമായി 3000രൂപ,  മെഡിക്കൽ കോളേജിലെ പഠന സൗകര്യത്തിനായി 1000 പുതിയ സീറ്റുകൾ, പ്രധാനമന്ത്രിയുടെ പിഎം കിസാന്‍ സമ്മാന്‍ നിധിയില്‍ നിന്നും കർഷകർക്ക് 10000 രൂപയുടെ സാമ്പത്തിക സഹായങ്ങളും വാഗ്ദാനം ചെയ്യുന്ന പ്രകടനപത്രികയാണ് ബിജെപി അവതരിപ്പിച്ചിരിക്കുന്നത്.