2023ൽ ഇറങ്ങിയ രജനികാന്തിൻ്റെ സൂപ്പർ ഹിറ്റ് ചിത്രം ജയിലറിന് രണ്ടാം ഭാഗം ഒരുങ്ങുന്നു.സംവിധായകൻ നെൽസൺ തന്നെയാണ് രണ്ടാം ഭാഗത്തിനും തിരക്കഥയൊരുക്കി സംവിധാനം ചെയ്യുന്നത്. ലോകേഷ് കനകരാജിൻ്റെ കൂലി എന്ന ചിത്രത്തിൽ അഭിനയിച്ചു കൊണ്ടിരിക്കുന്ന രജനീകാന്ത് ആ ചിത്രത്തിന് ശേഷം ജോയിൻ ചെയ്യുക ജയിലർ2വിൽ ആവാനാണ് സാധ്യത.

        ജയിലർ2ൻ്റെ തിരക്കഥ പൂർത്തിയായി എന്നും അടുത്തമാസത്തോടെ പ്രൊഡക്ഷൻ ഹൗസ് ആയ സൺ പിക്ചേഴ്സ് ചിത്രത്തിൻ്റെ അപ്ഡേറ്റ് പുറത്തുവിടുമെന്നും ഒരു ഓൺലൈൻ ചാനൽ ഇൻ്റർവ്യൂവിൽ സംവിധായകൻ നെൽസൺ പറയുകയുണ്ടായി. ആദ്യഭാഗത്തിൽ അഭിനയിച്ച മലയാളം സൂപ്പർസ്റ്റാർ മോഹൻലാലും കന്നട സൂപ്പർസ്റ്റാർ ശിവരാജ് കുമാറും രണ്ടാം ഭാഗത്തിൽ ഉണ്ടാകുമോ എന്ന കാര്യത്തിൽ സംവിധായകൻ ഇതുവരെ പ്രതികരിച്ചിട്ടില്ല.

        200 കോടി ബഡ്ജറ്റിൽ വന്ന ജയിലർ 600 കോടിക്ക് മുകളിൽ കളക്ട് ചെയ്യുകയുണ്ടായി. ജയിലർ2വിനും സംഗീതം ഒരുക്കുക അനിരുദ്ധ് തന്നെയായിരിക്കും.ആദ്യ ഭാഗത്തിലെ അനിരുദ്ധിൻ്റെ ബി.ജി.എമ്മും പാട്ടുകളും ഹിറ്റ്ചാർട്ടിൽ ഇടം നേടിയവയായിരുന്നു.