ചേലക്കര  : വോട്ടെടുപ്പുദിവസമായ ബുധനാഴ്ച ചേലക്കര നിയോജകമണ്ഡലത്തിലെ എല്ലാ സർക്കാർ, അർധസർക്കാർ, സ്വകാര്യസ്ഥാപനങ്ങൾക്കും ബാങ്കുകൾക്കും വിദ്യാഭ്യാസസ്ഥാപനങ്ങൾക്കും പൊതുമേഖലാസ്ഥാപനങ്ങൾക്കും വേതനത്തോടുകൂടിയുള്ള പൊതുഅവധി പ്രഖ്യാപിച്ചു. വോട്ടെടുപ്പ് സാമഗ്രികളുടെ സ്വീകരണ-വിതരണകേന്ദ്രമായി നിശ്ചയിച്ചിട്ടുള്ള ചെറുതുരുത്തി ഗവ. ഹയർ സെക്കൻഡറി സ്‌കൂൾ, ചേലക്കര നിയമസഭാമണ്ഡലത്തിലെ പോളിങ് സ്റ്റേഷനുകളായി വിജ്ഞാപനം ചെയ്തിട്ടുള്ള വിദ്യാഭ്യാസസ്ഥാപനങ്ങൾ, സർക്കാർ, അർധസർക്കാർ, സ്വകാര്യസ്ഥാപനങ്ങൾക്കും വോട്ടെടുപ്പിന്റെ തലേദിവസമായ ചൊവ്വാഴ്ചയും അവധിപ്രഖ്യാപിച്ച് ജില്ലാ തിരഞ്ഞെടുപ്പ് ഉദ്യോഗസ്ഥൻകൂടിയായ കളക്ടർ ഉത്തരവിറക്കി.